პლაკატზე წარწერის გაკეთებისთვის ციხეში არავის უშვებენ, არავის თუ უბრალოდ შეშლილ დიქტატურაში არ ცხოვრობ! - ამის შესახებ ორგანიზაცია “სამოქალაქო იდეის“ დამფუძნებელი თინა ხიდაშელი სოციალურ ქსელში წერს. ის ეხმიანება სასამართლოს მიერ “დროას“ ლიდერის ელენე ხოშტარიას მიმართ გამოტანილ განაჩენს .
"თავი მხოლოდ იმიტომ ხომ არ გაქვს მუცელში წყალი არ ჩაგივიდესო იტყოდა ხოლმე ბებიაჩემი და ზუსტად ეს ამბავია.
მინდა არასოდეს ვიცნობდე, არასოდეს შევხვდე ადამიანებს ვინც ამ გადაწყვეტილებამ არ დაზაფრა, არ გაამწარა …
ძალიან მინდა მჯეროდეს რომ ყველას ერთი ემოცია გაქვთ რომ არ შეიძლება, დაუშვებელია, დიქტატორული ახარიბების და ფსიქიური აშლილობის შედეგია რომ ადამიანი 1,6 წლით ციხეში გამოკეტო პლაკატზე წარწერის გამო
არავითარი მნიშვნელობა არ აქვს ვის აძლევ ხმას, ნულოვანი მნიშვნელობა აქვს ელენე მოგწონს თუ არა, ეთანხმები თუ არა, არც იმას აქვს მნიშვნელობა რომ ქალია და 4 შვილის დედა … მას დღეს შემამსუბუქებელი გარემოებები არ ჭირდება. პლაკატზე წარწერის გაკეთებისთვის ციხეში არავის უშვებენ, არავის თუ უბრალოდ შეშლილ დიქტატურაში არ ცხოვრობ!" - წერს ხიდაშელი.
შეგახსენებთ, კახა კალაძის საარჩევნო ბანერის დაზიანებაში ბრალდებული პოლიტიკოსი, “დროას” ლიდერი, ელენე ხოშტარია სასამართლომ დამნაშავედ ცნო. გადაწყვეტილება თბილისის საქალაქო სასამართლოს მოსამართლემ გიორგი არევაძემ მიიღო. არევაძის განაჩენით, ელენე ხოშტარიას 1 წლითა და 6 თვის ვადით თავისუფლების აღკვეთა მიუსაჯა. შესაბამისად, ხოშტარია პენიტენციურ დაწესებულებას 1 წელში დატოვებს.
