კიდევ ერთხელ ვამბობ, მე დამირეკეს ჟურნალისტებმა, ჩავეწერე ინტერვიუზე, ამ დროს ჯგუფი იღებდა ფოტოს და დამიძახეს ფოტოს გადასაღებად. არანაირი ორგანიზებული ჯგუფი, არანაირი კომიტეტი არ ყოფილა სინამდვილეში, - მის შესახებ 4 ოქტომბრის საქმეზე დაკავებულმა პაატა მანჯგალაძემ სასამართლო პროცესზე განაცხადა.

„არანაირი ძალადობრივი ორგანიზებული ჯგუფი ჩვენი მონაწილეობით არ არსებობდა. მე რომ ეს მეთქვა იმის მერე, რაც შედეგი არ დადგა კონკრეტულ აქციაზე იქნებოდა..... ჩემი მხრიდან, რომ აი, არ გამოვიდა რაღაცა და პაატა მანჯგალაძე არგამოსულზე იძახის, რომ არ ვარ ორგანიზატორი, შეეშინდა და უამრავი ამის მსგავსი და სწორიც იქნებოდა. მე თუ ამას ვიტყოდი აქციის მერე და ვიტყოდი, რომ არ ვარ ორგანიზატორი, მართალიც ვიქნებოდი.

იმ დღესაც სამი ჩართვა მქონდა ზუსტად, სადაც პირდაპირ ისეთ ელემენტარულ საკითხებზე - სად არის სცენა და როდის დაიწყება, ამასაც კი ვერ ვპასუხობ.. არა თუ იმას, რომ რაღაცა ძალადობრივი ჯგუფი დაორგანიზდა, როგორც ამას პროკურატურა მედავება.

კიდევ ერთხელ ვამბობ, მე დამირეკეს ჟურნალისტებმა, ჩავეწერე ინტერვიუზე, ამ დროს ჯგუფი იღებდა ფოტოს და დამიძახეს ფოტოს გადასაღებად. არანაირი ორგანიზებული ჯგუფი, არანაირი კომიტეტი არ ყოფილა სინამდვილეში.

გამოძიებას უწერია, რომ პაატა მანჯგალაძე გამოხატავდა უარყოფით დამოკიდებულებას ხელისუფლების მიმართ… მე წარმოვადგენ პოლიტიკურ პარტიას, ტელევიზიაში დავდივარ უკვე 10 წელია და გამოვხატავ ჩემს ნეგატიურ დამოკიდებულებას ხელისუფლების მიმართ.

იმის თქმა, რომ პაატა მანჯგალაძე უარყოფით დამოკიდებულებას გამოხატავს და ეს აუცილებლად ნიშნავს იმას, რომ დამხობისთვის ემზადებოდა, ხმალალესილი იყო, მივარდა და რაღაცას აპირებდა, ამის მტკიცებულება რომ არ არსებობს ხომ ვნახეთ ვიდეოები, ამოვიღეთ და არანაირი ასეთი რამე არ არსებობს.

მე ვსვამ მარტივ კითხვას, ბატონო ვაჟა, აი რა მტკიცებულება გაქვთ 225-ე მუხლის ბრალის ჩემს წინააღმდეგ წასაყენებლად? მართლა ვამბობ, აი ამდენი ხანია ვკითხულობ - ან ორგანიზება იყოს წინასწარი, ან შეთანხმება… მიმართულებას რაც შეეხება, მურთაზმა სპონტანურად მიიღო გადაწყვეტილება, გეგმას რაც შეეხება, გეგმა ვიცოდი, რომ კრება იყო და ისიც საჯარო სივრცეში არსებული ინფორმაციით, როგორც ყველა ადამიანმა.

აი, მართლა რაში მედება ბრალი? მითხარით, რატომ ვარ აქ? მეტი არაფერი არ მინდა. მართლა ვკითხულობ, აი ამდენი ხანია ვლაპარაკობ, იურისტი ვარ, თქვენც იურისტები ხართ და მითხარით მართლა, 6 თვეა თითქმის, რატომ ვარ აქ? აი, რა ქმედება ჩავიდინე კონკრეტული, რის გამოც უნდა ვიყო აქ და კიდევ რა ვიცი, რამდენი წელი შეიძლება შემიფარდონ იმის გამო, რომ სინამდვილეში არაფერი ჩამიდენია“, - თქვა მანჯგალაძემ.