ამის შესახებ კუბის პრეზიდენტმა მიგელ დიას-კანელმა განაცხადა, რომკუბაზე კონტროლის დამყარების ნებისმიერი მცდელობა, აშშ-ის მხრიდან, მტკიცე წინააღმდეგობის წინაშე აღმოჩნდება.
„საშინელ სცენართან პირისპირ მდგომი კუბა დარწმუნებულია, რომ ნებისმიერ საგარეო აგრესორს შეხვდება მტკიცე წინააღმდეგობა“, - დაწერა კუბის პრეზიდენტმა X-ზე.
მისი თქმით, აშშ კუბაზე კონტროლის დამყარების მიზნით გეგმის გამოცხადებას გეგმავს.
„ისინი ჩვენი ეკონომიკის ბოლომდე დასუსტებას ცდილობენ, რათა დანებება გვაიძულონ. მხოლოდ ასე შეიძლება აიხსნას მათი სასტიკი ეკონომიკური ომი, რომელსაც ჩვენი ხალხის წინააღმდეგ კოლექტიურ სასჯელად იყენებენ“, - აცხადებს კუბის პრეზიდენტი.
16 მარტს კუნძულზე გაითიშა ელექტოენერგია, რის შედეგადაც ქვეყანაში 10 მილიონი ადამიანი დარჩა დენის გარეშე.
მოგვიანებით, ელექტროენერგიის მიწოდების აღდგენა მოხერხდა მოსახლეობის ორ მესამედისთვის.
16 მარტს დონალდ ტრამპმა ჟურნალისტებთან საუბარში განაცხადა, რომ მას ექნება პატივი, დაიკავოს კუბა.
მისი თქმით, კუბა ამ მომენტში ძალიან ცუდ მდგომარეობაშია.
„მარკოს [რუბიო] ელაპარაკებიან და ძალიან მალე რაღაცას ვიზამთ კუბასთან მიმართებაში. ძალიან ფოკუსირებულები ვართ ამაზე, ვმუშაობთ კუბაზე“, - აღნიშნა ტრამპმა.
