ირანული მედიის ინფორმაციით, ისლამური რევოლუციის გუშაგთა კორპუსის (IRGC) საჰაერო კოსმოსური ძალების ერთ-ერთი მეთაური, ისმაილ დეჰგანის ოჯახთან ერთად დაიღუპა.
„ისმაილ დეჰგანი, ირანის რევოლუციის გუშაგთა კორპუსის საჰაერო ძალების ერთ-ერთი მეთაური, მეუღლესთან და ორ შვილთან ერთად ორი დღის წინ არაკის (ცენტრალური ირანის ქალაქი) ჰაფეზის რაიონში მოკლეს“, - იუწყება ირანული საინფორმაციო სააგენტო Fars.
საინფორმაციო სააგენტო Tasnim-მა იგივე ინფორმაცია გაავრცელა, თუმცა არ დაუკონკრეტებია, თუ რა ვითარებაში გარდაიცვალა ირანელი მაღალჩინოსანი. მედიასაშუალებები იუწყებიან, რომ მისი დაკრძალვა დღეს გაიმართა.
