კარგია, რომ საერთაშორისო ორგანიზაციის წარმომადგენლებმა აღიარეს და ხაზი გაუსვეს იმ სიმართლეს, რომლის აღიარება არ უნდათ არც კოლექტიურ „ნაცმოძრაობაში“ გაერთიანებულ არც ერთ ადამიანს, არც მათთან მიტმასნილ ნებისმიერ პირს და მათ პატრონებს, – ამის შესახებ საპარლამენტო უმრავლესობის წევრმა, არჩილ გორდულაძემ განაცხადა.
.„ქართველი ხალხის ნებასა და დემოკრატიულად ჩატარებულ არჩევნებზე თავდასხმა და შტურმი ახლაც მიმდინარეობს. ეს გამოიხატება დემოკრატიის ძირის გამოთხრაში „კოლექტიური ნაცმოძრაობის“ მხრიდანაც. რაც შეეხება კანონებს და დაპატიმრებულებს, ესენიც ზუსტად „კოლექტიური ნაცმოძრაობისკენ“ მიმართული განცხადებებია და არა – ჩვენკენ. ჩვენ კანონმდებლობა გვჭირდება იმისათვის, რომ ქვეყნის სუვერენიტეტი დავიცვათ, მათ შორის იმ ადამიანებისგან, რომელთაც თანხებს ურიცხავენ და დავალებებს აძლევენ გარედან, რომ შემდეგ ისევ ძალადობრივი აქციები და ქვეყნის დამხობის მცდელობები ჰქონდეთ ქვეყანაში. ადამიანებს დანაშაულს ადენინებენ და შემდეგ მიატოვებენ ხოლმე. ვინც არ უნდა იყოს, „ნაცმოძრაობა” ყოველთვის მიატოვებს, რადგან ადამიანი მათთვის ღირებულებას არ წარმოადგენს და მხოლოდ საკუთარი მიზნის მისაღწევი ერთ-ერთი საშუალებაა, რაც კატეგორიულად მიუღებელია. ქვეყანაში არსებობს სამართლიანი სასამართლო, არსებობს სტრასბურგის სასამართლო და ყველას შეუძლია, რომ საკუთარი უფლებები დაიცვას სამართლებრივ ჭრილში. პოლიტიკურად ანგაჟირებულ განცხადებებს ვხედავთ, რომელიც არაერთი ყოფილა წარსულშიც, ახლაც არის, მაგრამ ყველა ასეთი განცხადება ყოველთვის დამარცხებულა სტრასბურგის სასამართლოში“, – განაცხადა გორდულაძემ.
