თუ მთავრობა თავის ხალხს თავს ესხმის, ჟურნალისტებს აჩუმებს და თავისუფლებებს ზღუდავს, ამას შედეგები მოჰყვება, - ამის შესახებ ევროკავშირის საგარეო საქმეთა და უსაფრთხოების პოლიტიკის უმაღლესმა წარმომადგენელმა, კაია კალასმა განაცხადა.
მისი თქმით, ქართველ ხალხს ევროკავშირის სრული მხარდაჭერა აქვს, მაგრამ კავშირში არ არის მათი ადგილი, ვინც რეპრესიებს წარმოადგენს.
„ევროკავშირმა უკვე ჩამოართვა საქართველოს დაფინანსება დემოკრატიული უკუსვლის გამო. დღეს ევროპა იმ პირებს, რომლებიც დაკავშირებული არიან რეპრესიულ ქართულ ხელისუფლებასთან, მათ შორის ქართველ დიპლომატებს, ევროკავშირში თავისუფლად გადაადგილებას უჩერებს. ქართველ ხალხს ჩვენი სრული მხარდაჭერა აქვს, მაგრამ ჩვენს კავშირში არ არის მათი ადგილი, ვინც რეპრესიებს წარმოადგენს“, - აღნიშნა კალასმა.
