კრემლის პრესსპიკერი დმიტრი პესკოვი აცხადებს, რომ ირანულ მხარეს რუსეთისთვის არანაირი დახმარება არ უთხოვია მოსკოვის მიერ გაწეული პოლიტიკური მხარდაჭერის გარდა.
„ამ შემთხვევაში, ირანის მხრიდან არანაირი მომართვა არ ყოფილა; მათ შორის, არც იარაღის მიწოდების შესახებ.ჩვენი თანმიმდევრული პოზიცია ყველასთვის კარგად არის ცნობილი და აქ არანაირი ცვლილება არ მომხდარა,“ - განუცხადა პესკოვმა ჟურნალისტებს.
ამით მან უპასუხა კითხვას, აპირებს თუ არა მოსკოვი თეირანისთვის რაიმე დახმარების გაწევას უკვე გამოთქმული პოლიტიკური მხარდაჭერის გარდა.
