დიდმა ბრიტანეთმა აშშ-ს დიეგო გარსიაზე მდებარე თავისი ბაზიდან და გლოსტერშირის ავიაბაზიდან ირანზე საჰაერო დარტყმების განხორციელების უფლება არ მისცა. ამის შესახებ Sky News იუწყება.
აღნიშნულია, რომ ამერიკელი სამხედროები დიეგო გარსიაზე მდებარე ბაზის, ასევე გლოსტერშირში მდებარე RAF Fairford-ის ბაზის
გამოყენებას გეგმავდნენ, სადაც აშშ-ის მძიმე ბომბდამშენები არიან განლაგებული.
„ლონდონსა და ვაშინგტონს შორის დიდი ხნის შეთანხმებების თანახმად, პენტაგონს ოპერაციების დაწყება ამ ორი ადგილიდან, ასევე დიდი ბრიტანეთის სხვა საჰაერო ბაზებიდან, სადაც აშშ-ის სამხედრო თვითმფრინავები და პერსონალია განთავსებული, მხოლოდ ბრიტანეთის მთავრობის წინასწარი თანხმობის შემდეგ შეუძლია,“ - აღნიშნავს გამოცემა.
თუმცა, დიდმა ბრიტანეთმა არ მისცა ირანზე დარტყმის ნებართვა, რადგან შეშფოთებულია საერთაშორისო სამართლის შესაძლო დარღვევით. ჟურნალისტების ცნობით, დიდი ბრიტანეთი ჯერ არ გეგმავს შეერთებული შტატების მხარდაჭერას ირანის წინააღმდეგ რაიმე სამხედრო ოპერაციაში.
