ირანმა და შეერთებულმა შტატებმა ჟენევაში ბირთვული მოლაპარაკებების მეორე რაუნდზე პროგრესს მიაღწიეს, თუმცა სამუშაო ჯერ კიდევ არსებობს, – ამის შესახებ ირანის საგარეო საქმეთა მინისტრმა, აბას არაღჩიმ ირანულ მედიასთან საუბრისას განაცხადა.
„წარმოდგენილი და სერიოზულად განხილული იყო სხვადასხვა წინადადება და საბოლოოდ ჩვენ შევძელით ზოგადი შეთანხმების მიღწევა რიგ სახელმძღვანელო პრინციპებზე, რომლებზეც მომავალში ვიმოქმედებთ და რომლებიც შესაძლო შეთანხმების ტექსტში იქნება ასახული“, - თქვა მან.
მანამდე, ცნობილი გახდა, რომ ირანის „ისლამური რევოლუციის გუშაგთა კორპუსი“ სამხედრო წვრთნების დროს ჰორმუზის სრუტის ნაწილს საზღვაო უსაფრთხოების გამო რამდენიმე საათით დაკეტავს.
ირანმა ჰორმუზის სრუტეში საზღვაო წვრთნების დაწყების შესახებ გუშინ გამოაცხადა.
ირანის „ისლამური რევოლუციის გუშაგთა კორპუსის“ განცხადებით, წვრთნების მიზანს საზღვაო ქვედანაყოფების მზადყოფნის შემოწმება წარმოადგენს.
