რუსეთმა მასშტაბური თავდასხმის დროს 400-ზე მეტი დრონი და სხვადასხვა ტიპის, დაახლოებით, 40 რაკეტა გამოიყენა, – ამის შესახებ უკრაინის პრეზიდენტი ვოლოდიმირ ზელენსკი წერს.
მისი ინფორმაციით, რუსეთმა წუხელ უკრაინაზე თავდასხმა 400-ზე მეტი დრონით და სხვადასხვა ტიპის დაახლოებით 40-მდე რაკეტით განახორციელა.
ზელენსკის თქმით, რუსების მთავარი სამიზნე იყო ენერგოსისტემა, გენერაციის ობიექტები და გამანაწილებელი ქვესადგურები.
მისივე თქმით, სხვადასხვა ობიექტი დაზიანდა ვოლინის, ივანო-ფრანკოვსკის, ლვოვისა და როვნოს ოლქებში.
„რუსეთს ყოველდღე შეუძლია აირჩიოს რეალური დიპლომატია, მაგრამ ის ახალ დარტყმებს ირჩევს. უმნიშვნელოვანესია, რომ ყველამ, ვინც მხარს უჭერს სამმხრივ მოლაპარაკებებს, ამაზე რეაგირება მოახდინოს. მოსკოვს უნდა ჩამოერთვას უკრაინის წინააღმდეგ სიცივის ბერკეტად გამოყენების შესაძლებლობა. ამისთვის საჭიროა რაკეტები Patriot-ისთვის, NASAMS-ისთვის და სხვა სისტემებისთვის. ყოველი მოწოდებული ტვირთი გვეხმარება ამ ზამთრის გადატანაში. მადლობას ვუხდი ყველა ჩვენს პარტნიორს, ვისაც ეს ესმის და გულწრფელად გვეხმარება“, - წერს ზელენსკი.
