აშშ-ის ზეწოლა ვლადიმირ პუტინზე, რათა ის მშვიდობიანი მოლაპარაკებების მაგიდასთან დაჯდეს, არ მუშაობს. ამერიკელმა სენატორმა ლინდსი გრემმა ამის შესახებ ქსელ X-ზე დაწერა.
„აშკარაა, რომ პუტინზე ჩვენს მიერ განხორციელებული ზეწოლა, რათა ის მოლაპარაკებების მაგიდასთან დაჯდეს და უკრაინაზე მასობრივი თავდასხმები შეწყვიტოს, არ მუშაობს.
პრეზიდენტ ტრამპის იდეა, პუტინის ნავთობის მყიდველების წინააღმდეგ, რომლებიც მის [რუსეთის] ომის მანქანას უჭერენ მხარს, აშშ-მა და ევროპამ უნდა განახორციელონ“, - აღნიშნა მან.
გრემმა განაცხადა, რომ აშშ-ის პრეზიდენტმა დონალდ ტრამპმა ნავთობკომპანიებისა და ნავთობგადამამუშავებელი ქარხნების მიზანში ამოღებით რუსეთის ეკონომიკას სერიოზული ზიანი მიაყენა. მან გაიხსენა, რომ ინდოეთმა ცოტა ხნის წინ რუსული ნავთობის შესყიდვის შეწყვეტის პირობა დადო.
„ინდოეთი ახლა მნიშვნელოვნად ნაკლებ რუსულ ნავთობს ყიდულობს და თუ სხვა მსხვილი მყიდველებიც მის მაგალითს მიჰყვებიან, ეს ხელს შეუწყობს ამ სისხლისღვრის დასრულებას“, - აღნიშნა სენატორმა.
გრემმა ასევე მოუწოდა ტრამპს, რუსეთის გუშინდელი ღთავდასხმისშემდეგ დაიწყოს უკრაინისთვის Tomahawk-ის ტიპის რაკეტების მიწოდების პროცესი. მისი თქმით, ეს იარაღი ხელს შეუწყობს ბრძოლის ველზე სიტუაციის შეცვლას და პუტინს მოლაპარაკებების მაგიდასთან დაჯდომას აიძულებს.
„მომდევნო დღეებსა და კვირებში ჩვენ უნდა გავზარდოთ პუტინზე ზეწოლა. ნებისმიერი მოლაპარაკება, რომელიც აგრესიისთვის გადაჭარბებულ ჯილდოდ აღიქმება, მთელ მსოფლიოში კატასტროფებს გამოიწვევს. თუ მოლაპარაკებები თავისუფალი, ძლიერი და დამოუკიდებელი უკრაინის შექმნამდე მიგვიყვანს, რომელიც იძულებული გახდა დათმობებზე წასულიყო, მაშინ მსოფლიო გაცილებით სტაბილური გახდება“, - თქვა სენატორმა.
