27 იანვრის ღამეს, ოდესაზე რუსული დრონების მიერ განხორციელებული იერიშის შედეგად, 23 ადამიანი, მათ შორის ბავშვები და ორსული ქალი, დაშავდა.
უკრაინული მედიის ცნობით, ინფორმაციას ოდესის სამხედრო ადმინისტრაციის ხელმძღვანელი სერჰიი ლისაკი ავრცელებს.
მისი თქმით, დარტყმების შედეგად დაზიანდა რამდენიმე საცხოვრებელი კორპუსი და კერძო სახლი, რამაც მასშტაბური ხანძრები გამოიწვია. ასევე დაზიანდა ქალაქის ცენტრში მდებარე ეკლესიის შენობა და საბავშვო ბაღი.
„სახელმწიფო საგანგებო სიტუაციების სამსახურის თანამშრომლებმა გამოიყვანეს ადამიანები ბლოკირებული შენობებიდან, მათ შორის ერთი ბავშვი. მაცხოვრებელთა უმეტესობა ევაკუირებულია“, - განაცხადა ლისაკმა.
წინასწარი ინფორმაციით, შესაძლოა, ნანგრევების ქვეშ ადამიანები იყვნენ მოყოლილი.
ოდესის ოლქის სამხედრო ადმინისტრაციის ხელმძღვანელის, ოლეჰ კიპერის თქმით, რუსეთმა ოდესის რეგიონს 50-ზე მეტი დრონით შეუტია. მისივე თქმით, თავდასხმის შედეგად დაზიანდა ათობით საცხოვრებელი შენობა, ეკლესია, საბავშვო ბაღი, ლიცეუმი, ფიტნეს ცენტრი და კერძო ტრანსპორტი.
