უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინის დელეგაცია შეერთებულ შტატებში მიემგზავრება, სადაც უახლოეს დღეებში აშშ-ის პრეზიდენტ დონალდ ტრამპის წარმომადგენლებთან შეხვედრებია დაგეგმილი.
ამის შესახებ მან ჩეხ კოლეგასთან, პეტრ პაველთან ერთად გამართულ ერთობლივ პრესკონფერენციაზე განაცხადა.
ზელენსკიმ განაცხადა, რომ უკრაინის გუნდი აქტიურად თანამშრომლობს ამერიკის შეერთებული შტატების პრეზიდენტის წარმომადგენლებთან.
„ამ დღეებში დაიგეგმება ჩვენი უკრაინელი წარმომადგენლების შეხვედრები შეერთებულ შტატებში“, - თქვა მან.
მისი თქმით, უკრაინის დელეგაცია ამჟამად შეერთებულ შტატებში მიემგზავრება.
უკრაინის პრეზიდენტმა იმედი გამოთქვა, რომ ამ შეხვედრების შემდეგ „მეტი სიცხადე იქნება, როგორც ამერიკულ მხარესთან უკვე მომზადებული დოკუმენტების, ასევე რუსეთის რეაგირების შესახებ ყველა იმ დიპლომატიურ სამუშაოზე, რომელიც განხორციელდა და მიმდინარეობს“.
გარდა ამისა, მან აღნიშნა, რომ უსაფრთხოების გარანტიებთან და აღდგენის პაკეტთან დაკავშირებული ზოგიერთი მასალა დასასრულებელია.
მისი თქმით, თუ ყველაფერი საბოლოოდ დასრულდება, შესაძლებელია, რომ შეთანხმებას ხელი მომავალ კვირას დავოსში მსოფლიო ეკონომიკური ფორუმის დროს მოეწეროს.
„საკითხი ისე არ დგას, რომ სასწრაფოდ ხელი მოეწეროს. მნიშვნელოვანია, რომ ყველა ასპექტი, რომელიც ჩვენს პარტნიორებთან განვიხილეთ, გათვალისწინებული იყოს, რათა უკრაინა ომის შემდეგ „შიშველი და ფეხშიშველი“ არ დარჩეს და რეალური ფინანსური მხარდაჭერა გვქონდეს. სწორედ ამაზე ვმუშაობთ“, - დასძინა ზელენსკიმ.
