არსებობს დაზვერვის ინფორმაცია, რომ რუსები უახლოეს დღეებში ახალ მასშტაბურ შეტევას ამზადებენ.
ამის შესახებ უკრაინის პრეზიდენტმა ვოლოდიმირ ზელენსკი საღამოს მიმართვაში განაცხადა.
„გთხოვთ, აუცილებლად მიაქციოთ ყურადღება საჰაერო განგაშის სიგნალს. ჩვენ გვაქვს დაზვერვის ინფორმაცია:
რუსები ახალი მასშტაბური დარტყმისთვის ემზადებიან. დრონები საჰაერო თავდაცვისა და რაკეტების შესასუსტებლად. მათ სიცივით სურთ ისარგებლონ. ეს დარტყმა შესაძლოა უახლოეს დღეებში მოხდეს“, - განაცხადა ზელენსკიმ.
ზელენსკის თქმით, ირანში მასშტაბური საპროტესტო აქციები იმის ნიშანია, რომ რუსეთისთვის ადვილი არ იქნება;
„და ის, რაც ახლა ირანში ხდება, მასშტაბური საპროტესტო აქციები, ფაქტობრივად აჯანყება, ასევე ნათელი ნიშანია იმისა, რომ რუსეთისთვის ადვილი არ იქნება. და დედამიწაზე ყველა ნორმალურ ადამიანს ძალიან სურს, რომ ირანის მოსახლეობა საბოლოოდ გათავისუფლდეს იქ არსებული რეჟიმისგან, რომელმაც ამდენი ბოროტება მოიტანა. მათ შორის უკრაინისთვის და სხვა ქვეყნებისთვისაც“, - თქვა ზელენსკიმ.
მისი თქმით, მნიშვნელოვანია, „რომ მსოფლიომ არ გამოტოვოს ეს მომენტი, როდესაც ცვლილებები შესაძლებელია“.
„და ყველა ლიდერმა, ყველა ქვეყანამ საერთაშორისო ორგანიზაციაში ახლა უნდა გადადგას ნაბიჯი და დაეხმაროს ხალხს იმ პირების მოშორებაში, ვიმც დამნაშავეა“, - აღნიშნა ზელენსკიმ.
