9 იანვრის ღამეს რუსეთმა კიევზე კიდევ ერთი მასშტაბური იერიში მიიტანა. თავდასხმის შედეგად სულ მცირე ოთხი ადამიანი დაიღუპა.
ამის შესახებ ინფორმაციას კიევის მერი ვიტალი კლიჩკო ავრცელებს.
ოკუპანტების კომბინირებული თავდასხმის სამიზნე უკრაინის დედაქალაქის რამდენიმე რაიონი გახდა. დაზიანდა საცხოვრებელი შენობები და ინფრასტრუქტურა, არიან დაშავებულები.
„ამ დროისთვის ცნობილია ოთხი ადამიანის გარდაცვალების შესახებ. ცხრამეტი ადამიანი დაშავდა. მათგან თოთხმეტი სამედიცინო პერსონალმა საავადმყოფოში გადაიყვანა. დანარჩენებს ადგილზე გაუწიეს დახმარება. დაღუპულებს შორის ერთი სამედიცინო სფეროს თანამშრომელია. დაშავდა სამედიცინო სფეროს ოთხი თანამშრომელი “, - აღნიშნა კლიჩკომ.
დაფიქსირდა კრიტიკული ინფრასტრუქტურის დაზიანება. ქალაქის ზოგიერთ რაიონში ელექტროენერგიისა და წყლის მიწოდება შეფერხებულია.
