ოთხშაბათს, ირანის რამდენიმე რაიონში ანტისამთავრობო მომიტინგეებსა და უსაფრთხოების ძალებს შორის შეტაკებები მოხდა.
ქვეყანაში ეკონომიკური კრიზისით გამოწვეული საპროტესტო აქციები უკვე მე-11 დღეა გრძელდება.
ირანის ნახევრად ოფიციალური საინფორმაციო სააგენტო Fars, რომელიც ისლამური რევოლუციის გუშაგთა კორპუსთან არის დაახლოებულია, იტყობინება, რომ შეიარაღებულმა პირებმა სამხრეთ-დასავლეთ ქალაქ ლორდეგანში ორი პოლიციელი მოკლეს. ირანულ სააგენტოს ეყრდნობა BBC
სოციალურ ქსელში გამოქვეყნებულ ვიდეოებში ჩანს მომიტინგეებსა და უსაფრთხოების ძალებს შორის დაძაბული დაპირისპირება, ფონზე კი სროლის ხმა ისმის.
რამდენიმე სხვა ტერიტორიიდან გადაღებულ კადრებში ჩანს, თუ როგორ ესვრიან და ცრემლსადენ გაზს იყენებენ უსაფრთხოების ძალები მომიტინგეები წინააღმდეგ.
ადამიანის უფლებათა დამცველი სააგენტოს (HRANA) ცნობით, საპროტესტო აქციები უკვე გავრცელდა ქვეყნის 31-ვე პროვინციის 111 ქალაქსა და პროვინციაში.
HRANA-ს ცნობით, არეულობის დროს სულ მცირე 34 მომიტინგე და ოთხი უსაფრთხოების სამსახურის ოთხი თანამშრომელი დაიღუპა, ხოლო 2 200 მომიტინგე დააკავეს.
ირანში აქციები 28 დეკემბერს დაიწყო. თავდაპირველად თეირანის ქუჩებში მაღაზიების გამყიდველები გავიდნენ, რათა გამოეხატათ უკმაყოფილება ირანული ვალუტის გაუფასურების გამო. შემდეგ მათ სტუდენტები შეუერთდნენ.
