აშშ-ის სახელმწიფო მდივანმა მარკო რუბიომ ვენესუელასთან სამეტაპიან გეგმაზე ისაუბრა, რომელიც ქვეყნის სტაბილიზაციას და ქაოსის თავიდან აცილებას მოიცავს.

„წინსვლისას, ჩვენ გამოვყოფთ ჩვენს მიდგომას - ეს ვენესუელასთვის სამეტაპიანი პროცესია. პირველი ეტაპი ქვეყნის სტაბილიზაციაა. ჩვენ არ გვინდა, რომ ეს ქაოსში გადაიზარდოს“, - თქვა რუბიომ.

მისი თქმით, პროცესის პირველი ნაწილი სტაბილიზაციაა, რისთვისაც აშშ იყენებს თავის „კარანტინს“ და სანქციებს, ასევე ამზადებს შეთანხმებას ქვეყანაში ჩარჩენილი 30 მილიონიდან 50 მილიონ ბარელამდე ნავთობის გატანის შესახებ. მისი თქმით, შემოსავალი კონტროლირებადი წესით გადანაწილდება ხალხის სასარგებლოდ.

მეორე ფაზა, „აღდგენა“, გულისხმობს დასავლური კომპანიებისთვის ვენესუელის ბაზარზე წვდომის ნებართვის მიცემას და ეროვნული შერიგების პროცესის დამკვიდრებას, „რათა ოპოზიციური ძალები ციხეებიდან ამნისტიით გაათავისუფლონ ან ქვეყანაში დააბრუნონ და სამოქალაქო საზოგადოების აღდგენა დაიწყონ“.

მესამე ფაზა „გარდამავალი“ ფაზაა. რუბიომ პირობა დადო, რომ დამატებით დეტალებს უახლოეს დღეებში გააჟღერებს.