ცეცხლის შეწყვეტის შემთხვევაში, უკრაინაში, შესაძლოა, 15 000-20 000-იანი მდე სამშვიდობო კონტინგენტი გაიგზავნოს. რადიო „თავისუფლების“ ცნობით, საფრანგეთის პრეზიდენტმა ემანუელ მაკრონმა განაცხადა, რომ იმედოვნებს, რომ პარიზში „მსურველთა კოალიციის“ შეხვედრის დროს გამართული მოლაპარაკებების შემდეგ უკრაინის უსაფრთხოებასთან დაკავშირებით „კონკრეტულ ვალდებულებებს“ წარადგენს.
იდეა იმაში მდგომარეობს, რომ ცეცხლის შეწყვეტის შემთხვევაში, ნათელი გახდება სამშვიდობო ძალების შემადგენლობა და განლაგება.
„ზოგიერთი ოფიციალური პირი ამბობს, რომ სხვადასხვა ევროპული დედაქალაქები კონტინგენტის ზომის შესახებ განსხვავებულ რიცხვებს ავრცელებენ.
„ის 15 000-დან 20 000-მდე მერყეობს, თუმცა ზოგი იმედოვნებს, რომ 30 000-მდე სამშვიდობო იქნება, რომლებიც უზრუნველყოფენ ზღვის, ცისა და ხმელეთის უსაფრთხოებას“, - წერს გამოცემა.
აღნიშნულია, რომ სამხედრო გეგმები არ გამოქვეყნებულა, თუმცა ჯარების ძირითად ნაწილს საფრანგეთი და დიდი ბრიტანეთი უზრუნველყოფენ, რომლებიც სახმელეთო და საჰაერო კომპონენტებზე იქნებიან პასუხისმგებელნი.
თურქეთმა ნათლად განაცხადა, რომ შავ ზღვაში სატრანსპორტო მარშრუტების უსაფრთხოებაზე პასუხისმგებლობას აიღებს.
თუმცა, როგორც გამოცემა წერს, ჯერ კიდევ არ არის ნათელი, რამდენად ახლოს იქნებიან „მსურველთა კოალიციის“ პოტენციური ძალები შეხების ხაზთან.
რადიო „თავისუფლების“ ცნობით, ევროპელი ოფიციალური პირების უმეტესობა მიიჩნევს, რომ ძალები დასავლეთ უკრაინაში განლაგდებიან უკრაინელი ჯარების მხარდასაჭერად და გასაწვრთნელად.
