ამერიკის შეერთებული შტატები პოლონეთში სამხედრო ბაზების განვითარებისათვის 500 მილიონ დოლარს გამოყოფს. ამის შესახებ პოლონეთის თავდაცვის მინისტრის მოადგილემ, ცეზარი ტომჩიკმა განაცხადა.
„აშშ-ის მთავრობამ - კონგრესმა და პრეზიდენტმა დონალდ ტრამპმა - დაამტკიცეს საინვესტიციო გეგმა, რომლის მიხედვითაც 500 მილიონი დოლარის ინვესტიცია განხორციელდება პოლონეთის ოთხ სამხედრო ბაზაზე - ვროცლავში, დრავსკო პომორსკში, პოვიდზსა და ლასკში - “, - განაცხადა ტომჩიკმა Х-ზე.
მისი განმარტებით, ეს ინვესტიციები პოლონეთის ტერიტორიაზე ამერიკული ჯარების ყოფნას ეხება.
ამჟამად პოლონეთში დაახლოებით 10 000 ამერიკელი ჯარისკაცი იმყოფება.
