უკრაინის მთავარმა სადაზვერვო სამმართველომ „რუსეთის მოხალისეთა კორპუსის“ მეთაურის, დენის კაპუსტინის ინსცენირებული მკვლელობის დეტალები გაასაჯაროვა და გამოაქვეყნა ვიდეო, რომელიც დაზვერვის ოფიცრების მიერ არის შექმნილი და მასში ასახულია, თუ როგორ ახორციელებენ დრონებით თავდასხმებს მიკროავტობუსზე, სადაც თითქოსდა მეთაური იმყოფებოდა.
„უკრაინის თავდაცვის სამინისტროს მთავარი სადაზვერვო სამმართველოს „ტიმურის სპეცდანაყოფის შემადგენელი
„რუსეთის მოხალისეთა კორპუსის“ მეთაურის სიცოცხლის გადასარჩენად და მტრის ჯაშუშური ქსელის გამოსავლენად, უკრაინის თავდაცვის სამინისტროს მთავარი სადაზვერვო სამმართველოს სამხედრო დაზვერვის თანამშრომლებმა ჩაატარეს რთული, მრავალეტაპიანი სპეცოპერაცია, რომლის დროსაც მისი სიკვდილის ინსცენირება მოხდა“, - აღნიშნულია უკრაინის მთავარმა სადაზვერვო სამმართველოს განცხადებაში.
როგორც იუწყებიან შეიქმნა ვიდეოჩანაწერი, სადაც ორი მოირიშე დრონის მოქმედება ჩანს.
პირველი დრონი შეეჯახა მიკროავტობუსს, რომელშიც თითქოსდა, კაპუსტინი იმყოფებოდა, ხოლო მეორემ „დარტყმის შედეგები“ - ცეცხლმოკიდებული მანქანა - გადაიღო.
„დანაშაულის დამკვეთებმა რუსეთის სადაზვერვო სამსახურებში დაიჯერეს ვიდეოს შესახებ და უკრაინის დაზვერვის ოფიცრებს „დაკვეთის“[ საფასური] ნახევარი მილიონი დოლარი გადაუხადეს, რაც მნიშვნელოვნად გააძლიერებს უკრაინის მთავარი სადაზვერვო სამმართველოს სპეციალური დანიშნულების დანაყოფების საბრძოლო შესაძლებლობებს“, - ნათქვამია განცხადებაში.
27 დეკემბერს, «რუსეთის მოხალისეთა კორპუსმა“ განაცხადა, რომ მეთაური დენის WhiteRex კაპუსტინი ზაპოროჟიეს სექტორში საბრძოლო მისიის შესრულებისას დაიღუპა.
1-ელ იანვარს, მთავარმა სადაზვერვო სამმართველომ განაცხადა, რომ „რუსეთის მოხალისეთა კორპუსის“ მეთაურის, დენის კაპუსტინის ლიკვიდაციის შესახებ ინფორმაცია უკრაინის თავდაცვის სამინისტროს მთავარი სადაზვერვო სამმართველოს მიერ ჩატარებული სპეცოპერაციის ნაწილი იყო, თავად კაპუსტინი კი ცოცხალია.
