ვოლოდიმირ ზელენსკიმ პრეზიდენტის ადმინისტრაციის ხელმძღვანელად კირილო ბუდანოვი დანიშნა. ამის შესახებ ზელენსკი სოციალურ ქსელში წერს.
კირილო ბუდანოვი მთავარი სადაზვერვო სამმართველოს ხელმძღვანელი იყო.
„შევხვდი კირილო ბუდანოვს და შევთავაზე მას უკრაინის პრეზიდენტის ოფისის ხელმძღვანელობა. ახლა უკრაინას სჭირდება უფრო მეტი კონცენტრაცია უსაფრთხოების საკითხებზე, უკრაინის თავდაცვისა და უსაფრთხოების ძალების განვითარებაზე, ასევე მოლაპარაკებების დიპლომატიურ მიმართულებაზე, პრეზიდენტის ოფისი ემსახურება პირველ რიგში ჩვენი სახელმწიფოს ასეთი ამოცანების შესრულებას. კირილს აქვს სპეციალური გამოცდილება ამ კუთხით და საკმარისი ძალა შედეგების მისაღწევად“, – წერს ზელენსკი.
მისი განცხადებით, ბუდანოვს აქვს საჭირო გამოცდილება ამ სფეროებში და საკმარისი ძალა შედეგების მისაღწევად.
„ასევე, პრეზიდენტის ადმინისტრაციის ახალ ხელმძღვანელს დავავალე, უკრაინის ეროვნული უშიშროებისა და თავდაცვის საბჭოს მდივანთან და სხვა შესაბამის ლიდერებთან და ინსტიტუტებთან თანამშრომლობით, განაახლოს და დასამტკიცებლად წარადგინოს ჩვენი სახელმწიფოს თავდაცვისა და განვითარების სტრატეგიული საფუძვლები, ასევე შემდგომი ნაბიჯები“, - წერს ზელენსკი.
