ანალიტიკური პროექტის, DeepState-ის თანახმად, 2025 წელს რუსეთმა უკრაინის ტერიტორიის 4,336 კვადრატული კილომეტრი დაიპყრო.

„ეს უკრაინის მთელი ტერიტორიის დაახლოებით 0.72%-ია. საერთო ჯამში, 2023 წლის 1 იანვრიდან 2026 წლის 1 იანვრამდე, ოკუპირებული ტერიტორიის ზრდამ 7,463 კვადრატული კილომეტრი შეადგინა, ანუ მთლიანი ტერიტორიის 1.28%.

წინა წლებთან შედარებით, 2025 წელი უკრაინის თავდაცვის ძალებისთვის ნამდვილად რთული იყო“, - აღნიშნულია ინფორმაციაში.

პროექტმა გამოაქვეყნა ოკუპაციის სტატისტიკა რეგიონების მიხედვით:

• დნიპროპეტროვსკი – 0,6% (+0,6% გასული წლის განმავლობაში);

• სუმი – 1.0% (+1);

• ხარკოვი – 4,7% (+1,3%);

• ხერსონი – 72% (-);

• ზაპორიჟიე – 74,8% (+2,1%);

• დონეცკი – 78,1% (+10,6%);

• ლუჰანსკი – 99,6% (+0,6%).

DeepState-ის ცნობით, უკრაინის მიწის საერთო ფართობი 116,165 კვადრატული კილომეტრია ოკუპირებული.  ეს მთლიანი ტერიტორიის 19.25%-ს, ანუ ყოველ მე-5 კვადრატულ კილომეტრს შეადგენს.