უკრაინა დამატებით Patriot-ის ტიპის კიდევ ორი საზენიტო-სარაკეტო სისტემით აღიჭურვა, რომლებიც უკვე განლაგებულია რუსული რაკეტებისგან საჰაერო სივრცის დასაცავად. ამის შესახებ უკრაინის თავდაცვის სამინისტროს ვებგვერდზე გამოქვეყნებულ განცხადებაშია ნათქვამი.
„უკრაინის ქალაქებისა და კრიტიკული ინფრასტრუქტურის დასაცავად Patriot -ის ტიპის საჰაერო თავდაცვის კიდევ ორი სისტემა განლაგდა“, - ნათქვამია განცხადებაში.
კერძოდ, უკრაინის თავდაცვის მინისტრის, დენის შმიჰალის თქმით, ეს გერმანიის მთავრობასთან ბოლო დროს მიღწეული შეთანხმებების შედეგად იქნა მიღწეული.
თავდაცვის სამინისტროში აღნიშნავენ, რომ Patriot ამერიკული საზენიტო-სარაკეტო სისტემაა, რომელიც მსოფლიოში ერთ-ერთი ყველაზე მოწინავე საჰაერო თავდაცვის სისტემაა.
„ის შექმნილია თვითმფრინავების, ფრთოსანი და ბალისტიკური რაკეტების განადგურებისთვის. Patriot-ს შეუძლია მაღალჩქაროსნული და რთული სამიზნეების ჩამოგდება, რაც უზრუნველყოფს სტრატეგიული ობიექტებისა და დიდი ქალაქების მრავალშრიან დაცვას“, - ნათქვამია უკრაინის თავდაცვის ძალების განცხადებაში.
