ხორვატია PURL-ის მექანიზმის ფარგლებში უკრაინისთვის ამერიკული იარაღის შესაძენად 14 მილიონ ევროს გამოყოფს. ამის შესახებ ნათქვამია ხორვატიის მთავრობის პრესსამსახურის მიერ გავრცელებულ ინფორმაციაში.
როგორც აღინიშნულია, ხორვატიის მთავრობის გადაწყვეტილებით თავდაცვის სფეროში შესყიდვების მსხვილი პროგრამებისთვის ბიუჯედიტან 235.7 მილიონი ევრო გამოიყოფა.
დაფინანსება გამოყენებული იქნება CAESAR Mk2 თვითმავალი ჰაუბიცების, მათ შორის, მასთან დაკავშირებული სისტემებისა და აღჭურვილობის დასაფარად, ასევე Leopard 2A8-ისტიპის საბრძოლო ტანკების და გრძელვადიანი ლოგისტიკური მხარდაჭერის შესაძენად.
მძიმე სახმელეთო სისტემების შესყიდვის გარდა, მთავრობამ ასევე დაამტკიცა 14 მილიონი ევროს გამოყოფა საგარეო და ევროპულ საქმეთა სამინისტროსთვის.
ეს თანხები გამოყენებული იქნება ხორვატიის წვლილისთვის ნატო-ს PURL- მექანიზმში, რომელიც შექმნილია უკრაინაში სამხედრო აღჭურვილობის შესყიდვისა და მიწოდების კოორდინაციისთვის ოპერატიული საჭიროებების საფუძველზე.
