რუსეთის შეიარაღებული ძალები ზაპოროჟიეს გათავისუფლების მიმართულებით ამოცანების შესრულებას ახერხებს. შესაბამისი განცხადება რუსეთის პრეზიდენტმა, ვლადიმირ პუტინმა კრემლში გენერალურ შტაბთან შეხვედრისას განაცხადა.
სამშვიდობო მოლაპარაკებების ფონზე, პუტინმა განაცხადა, რომ რუსეთი ბრძოლას გააგრძელებს.
მან აღნიშნა, რომ უკრაინის შეიარაღებული ძალების დანაყოფები ყველგან უკან იხევენ.
„უდავოა, რომ რუსეთის შეიარაღებული ძალების ფრონტზე წარმატებებში გადამწყვეტი როლი ჩვენს ჯარისკაცებსა და ოფიცრებს ეკუთვნით, რომლებიც დონბასის მიწების გათავისუფლებისას ყოველდღიურად ავლენენ გამბედაობასა და გმირობას, საკუთარი სიცოცხლის რისკის ფასად,“ - განაცხადა პუტინმა.
პუტინმა აღნიშნა, რომ სევერსკის გათავისუფლება და კონსტანტინოვკაში ეფექტური მუშაობა შემდგომი პროგრესის პირობებს ქმნის. მან ასევე ბრძანა, რომ სასაზღვრო ზოლის გასწვრივ უსაფრთხოების ზონის შექმნა 2026 წელსაც გაგრძელდეს.
პუტინმა შეხვედრაზე რუსეთის შეიარაღებული ძალების დაჯგუფება „დნეპრის“ მეთაურს, მიხეილ ტეპლინსკის „წარმატებული მოქმედებებისთვის“ მადლობა გადაუხადა.
„მტერი იქ თავდაცვისთვის მრავალი წლის განმავლობაში ემზადებოდა. ვიცით, რომ იქ სიტუაცია რთულია. მიუხედავად ამისა, თქვენი ჯგუფის წინაშე არსებული ამოცანების შესრულებას ახერხებთ“, - განაცხადა პუტინმა.
