25 დეკემბრის ღამეს, დრონებით თავდასხმა განხორციელდა რუსეთის კრასნოდარის მხარეში, ტემრიუკის პორტზე. ცეცხლი გაუჩნდა ნავთობის რეზერვუარებს და დაახლოებით 2000 კვადრატული მეტრი ფართობი მოიცვა.
ინფორმაციას კრასნოდარის მხარის ოპერატიული შტაბი ავრცელებს.
ინფორმაციაში აღნიშნულია, რომ ტემრიუკის პორტში უპილოტო საფრენი აპარატის თავდასხმის შედეგად ცეცხლი ნავთობის ორ რეზერვუარს გაუჩნდა.
ხანძარმა 2000 კვადრატული მეტრი ფართობი მოიცვა.
„ხანძრის ჩაქრობაში სამოცდაათი ადამიანი და 18 ერთეული ტექნიკა მონაწილეობს, მათ შორის რუსეთის საგანგებო სიტუაციების სამინისტროს კრასნოდარის მხარის მთავარი სამმართველოს თანამშრომლები“, - აღნიშნულია ცენტრის განცახდებაში.
ტემრიუკის პორტზე თავდასხმა 5 დეკემბერსაც მოხდა, რამაც ზიანი და ხანძარი გამოიწვია.
