მიმდინარე კვირაში აშშ-მა კარიბის ზღვის აუზში დიდი რაოდენობით სპეციალური ოპერაციების თვითმფრინავი და რამდენიმე სატვირთო თვითმფრინავი განალაგა, რომლებიც ჯარისკაცებითა და აღჭურვილობით იყო სავსე.
ამის შესახებ ინფორმაციას The Wall Street Journal ამერიკელი ოფიციალური პირების მონაცემებსა და ღია წყაროებზე დაყრდნობით ავრცელებს.
The Wall Street Journal-ის ცნობით, ორშაბათს, ნიუ-მექსიკოში, კენონის საჰაერო ძალების ბაზიდან, კარიბის ზღვის აუზში აშშ-ის სპეციალური ოპერაციების ძალების მიერ გამოყენებული სულ მცირე 10 ამერიკული CV-22 Osprey თვითმფრინავი განლაგდა.
პუერტო რიკოში ასევე ჩავიდნენ C-17 სატვირთო თვითმფრინავები აშშ-ის სამხედრო ბაზებიდან ფორტ სტიუარტიდან და ფორტ კემპბელიდან.
აშშ-ის ოფიციალურმა წარმომადგენელმა WSJ-ს განუცხადა, რომ თვითმფრინავებს სამხედრო პერსონალი და აღჭურვილობა გადაჰყავდათ.
წყარომ არ დააკონკრეტა, თუ რა ტიპის ძალები გადაჰყავდათ თვითმფრინავებს.
ცნობილია, რომ კენონში განთავსებულია 27-ე სპეციალური ოპერაციების პოლკი, ხოლო ფორტ კემპბელში განთავსებულია 160-ე სპეციალური ოპერაციების საავიაციო პოლკი, აშშ-ის სპეციალური ოპერაციების ძალების ელიტური ქვედანაყოფი და 101-ე საჰაერო-სადესანტო დივიზია.
ჯარების განლაგება მას შემდეგ მოხდა, რაც დონალდ ტრამპის ადმინისტრაციამ გააძლიერა ზეწოლა ვენესუელის ლიდერ ნიკოლას მადუროზე და ბრძანა ქვეყანაში შემავალი და გამავალი ნავთობტანკერების ბლოკადა.
