ბოლო კვირის განმავლობაში რუსეთმა უკრაინის მიმართულებით დაახლოებით 1300 მოიერიშე დრონი, თითქმის 1200 მართვადი ბომბი და ცხრა სხვადასხვა ტიპის რაკეტა გაუშვა. ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.
მისი თქმით, განსაკუთრებით სამხრეთი, კერძოდ, ოდესის რეგიონი დაზარალდა.
„ჩვენ ამ რუსულ ტერორიზმს სხვადასხვა დონეზე ვებრძვით. ამ კვირაში უკრაინისთვის ფინანსური უსაფრთხოების გარანტიასთან დაკავშირებით მნიშვნელოვანი გადაწყვეტილება იქნა მიღებული - ევროპის საბჭომ 2026–2027 წლებისთვის 90 მილიარდი ევრო გამოყო, ასევე [მიღებულია] ნორვეგიისა და იაპონიისგან მნიშვნელოვანი დახმარების პაკეტები და პორტუგალიასთან შეთანხმება საზღვაო დრონების თანაწარმოების შესახებ.
უკრაინისა და აშშ-ის მომლაპარაკებელი ჯგუფები აგრძელებენ მუშაობას ამ ომის ღირსეული მშვიდობით დასრულების გზებზე. აგრესორმა უნდა გაიგოს, რომ ომს დივიდენდებს არ მოაქვს, არამედ ყოველთვის იქ ბრუნდება, საიდანაც მოვიდა“, - განაცხადა ზელენსკიმ.
