უკრაინის პრეზიდენტმა ვოლოდიმირ ზელენსკიმ განაცხადა, რომ ომის დასრულების შესახებ შეთანხმება ძალაშია მაშინ, როდესაც ის არა მხოლოდ ქაღალდზე არსებობს, არამედ რეალურად ხორციელდება და ვიდრე ჯერ ეს ასე არ არის, არსებობს ალბათობა რომ არც იქნება.
ამის შესახებ ზელენსკიმ და პორტუგალიის პრემიერ-მინისტრ ლუის მონტენეგროსთან ერთობლივ პრესკონფერენციაზე განაცხადა.
„მშვიდობა უკეთესია, ვიდრე ომი, მაგრამ არა ნებისმიერ ფასად, რადგან ჩვენ უკვე გადავიხადეთ მაღალი ფასი. ჩვენთვის მნიშვნელოვანია სამართლიანი და მდგრადი მშვიდობა, ისეთი, რომელსაც პუტინის ან კიდევ ერთი პუტინის სურვილი ვერ დაარღვევს.
ძალიან მნიშვნელოვანია, რომ ამისთვის არსებობდეს უსაფრთხოების ძლიერი გარანტიები, რათა გამოირიცხოს ჩვენთან აგრესიით მოსვლის შესაძლებლობაზე ფიქრიც კი და ფიზიკური შესაძლებლობა.
ეს არ უნდა იყოს მხოლოდ შეთანხმება - კარგი, ცუდი - კითხვა ასეთია, ვისთვის კარგია, ვისთვის ცუდი? არ მინდა მისი დახასიათება. შეიძლება ის არ არსებობდეს, დღეს არ არსებობს, დღეს შეთანხმება არ არსებობს. ის არსებობს მაშინ, როდესაც მხოლოდ ქაღალდზე არ არის ასოებით დაწერილი, არამედ ომი შეჩერებულია“, - განაცხადა ზელენსკიმ.
პრეზიდენტმა ბუდაპეშტის მემორანდუმის მაგალითი მოიყვანა. ამ შეთანხმებამ ჩვენ არ დაგვიცვა. ამიტომ, არ ვფიქრობ, რომ ის ძლიერი ან ეფექტური იყო. ამიტომ, ჩემთვის შეთანხმება მხოლოდ ხელმოწერა არ არის“, - აღნიშნა ზელენსკიმ.
„შეთანხმება შეიცავს რამდენიმე შეთანხმებას, რამდენიმე დოკუმენტს, აშშ-სა და ევროპელებისთვის უსაფრთხოების გარანტიებს, რომლებსაც კონგრესში უნდა ეყაროს კენჭი და მხარი დაუჭირონ.
ასევე დეტალურად უნდა ვიცოდეთ, რა მოხდება, თუ აგრესიით მოსკოვიდან მივლენ - ამერიკელებთან, ევროპელებთან - როგორ დააზღვევენ უკრაინელებს, როგორ დააზღვევენ ჩვენი პარტნიორები? მე მჯერა, რომ შეთანხმება უკრაინისთვის სამართლიანი და ეფექტიანი იქნება“, - თქვა ზელენსკიმ.
