უკრაინაში ომის დასრულებასთან დაკავშირებით აშშ-რუსეთის მოლაპარაკებები შაბათს ფლორიდაში გაიმართება. ამის შესახებ Reuters იუწყება.
შეხვედრა პარასკევს ამერიკელ, უკრაინელ და ევროპელ ოფიციალურ პირებს შორის გამართულ მოლაპარაკებების შემდეგ გაიმართება, რაც სამშვიდობო გეგმაზე გამართული დისკუსიების სერიის უახლესი შედეგია, რამაც კონფლიქტის მოგვარების გარკვეული იმედი გააჩინა.
რუსეთის დელეგაციას რუსეთის პრეზიდენტის წარმომადგენელი კირილ დმიტრიევი ხელმძღვანელობს, რომელიც შეხვედბა აშშ-ის პრეზიდენტის წარმომადგენელს სტივ უიტკოფს და ტრამპის სიძეს, ჯარედ კუშნერს.
ტრამპის მთავარმა დიპლომატმა და ეროვნული უსაფრთხოების მრჩეველმა, მარკო რუბიომ, განაცხადა, რომ შესაძლოა მოლაპარაკებებში ისიც ჩაერთოს.
წინა შეხვედრები მაიამიში, გალენდეილის სანაპიროზე, უიტკოფის გოლფის კლუბში გაიმართა.
ამ კვირის დასაწყისში ამერიკელმა, უკრაინელმა და ევროპელმა ოფიციალურმა პირებმა ომის დასრულების მოლაპარაკებების ფარგლებში კიევისთვის უსაფრთხოების გარანტიებთან დაკავშირებით პროგრესი განაცხადეს, თუმცა გაურკვეველი რჩება, მისაღები იქნება თუ არა ეს პირობები მოსკოვისთვის.
რუსულმა წყარომ Reuters-ს განუცხადა, რომ დმიტრიევსა და უკრაინელ მომლაპარაკებლებს შორის ნებისმიერი შეხვედრა გამორიცხულია.
მანამდე აშშ-ის სახელმწიფო მდივანმა მარკო რუბიომ პარასკევს განაცხადა, რომ შეერთებულმა შტატებმა უკრაინის მოლაპარაკებებში „მნიშვნელოვან პროგრესს“ მიაღწია, თუმცა აღნიშნა, რომ წინ ჯერ კიდევ ბევრი სამუშაოა.
