უკრაინის პრეზიდენტი ვოლოდიმირ ზელენსკი ბერლინში ფინეთის პრეზიდენტ ალექსანდრ სტუბს შეხვდა, - ამის შესახებ უკრაინის პრეზიდენტის ადმინისტრაცია იუწყება.
მათი ინფორმაციით, ზელენსკიმ და სტუბმა პოზიციები ორშაბათს ბერლინში პარტნიორებთან შეხვედრის წინ შეათანხმეს.
„ლიდერებმა განიხილეს დიპლომატიური მუშაობის შედეგები, შეათანხმეს საერთო პოზიციები პარტნიორებთან დღეს ბერლინში გასამართი შეხვედრების წინ და შეთანხმდნენ შემდეგ ნაბიჯებზე“, - ნათქვამია განცხადებაში.
როგორც ცნობილია, ზელენსკი ბერლინში კვირას, 14 დეკემბერს ჩავიდა. უკრაინასა და რუსეთს შორის მოსალოდნელი ცეცხლის შეწყვეტის შუამავლობის მცდელობები, რომელიც ბერლინში უკრაინის პრეზიდენტისა და ტრამპის წარმომადგენლების მონაწილეობით დაიწყო, დღესგაგრძელდა.
სტუბი ბერლინში ჩავიდა და კვირა საღამოს აშშ-ის პრეზიდენტ დონალდ ტრამპის წარმომადგენლებს, სტივენ უიტკოფსა და ჯარედ კუშნერს შეხვდა.
