ამერიკელი რეჟისორი და მსახიობი რობ რაინერი და მისი მეუღლე მიშელი საკუთარ სახლში გარდაცვლილები იპოვეს. 78 წლის რაინერის და მისი 68 წლის მეუღლის ცხედრები 14 დეკემბერს აღმოაჩინეს.
ხოლო ქალაქის პოლიციის დეპარტამენტმა განაცხადა, რომ რაინერების სახლში "სავარაუდო მკვლელობის" ფაქტზე გამოძიება მიმდინარეობს.
ლოს ანჯელესის პოლიციის დეპარტამენტის უფროსის მოადგილემ, ალან ჰამილტონმა თქვა, რომ გამომძიებლები ჩხრეკის ორდერის მოპოვებას ცდილობენ, რათა რეინერების სახლში "დანაშაულის ადგილის სრული გამოძიება" ჩაატარონ.
როგორც მედია წერს, საქმეში მთავარი ეჭვმიტანილი მათი ვაჟი ნიკია, რომელიც დიდი ხნის განმავლობაში ნარკოდამოკიდებული იყო. გავრცელებული ცნობით, ნიკი პოლიციამ დაკითხა, ის არ დაუკავებიათ.
ლოს ანჯელესის მერმა, კარენ ბასმა რაინერის გარდაცვალებას ლოს ანჯელესისა და ქვეყნისთვის „გამანადგურებელი დანაკარგი უწოდა.
რობ რაინერის შემოქმედებას მიეკუთვნება 1980-იანების რომანტიკული კომედია "როცა ჰარი შეხვდა სალის", "პატარძალი პრინცესა" და "დარჩი ჩემთან".
