ავსტრალიის ქალაქ სიდნეიში, ბონდის სანაპიროზე მომხდარი ტერორისტული თავდასხმის შედეგად შედეგად დაღუპულთა რაოდენობა 15-მდე გაიზარდა. ინფორმაციას Daily Mail ავრცელებს.
„თავდასხმის შედეგად 16 ადამიანი დაიღუპა, მათ შორის ორი სავარაუდო მსროლელიდან ერთ-ერთი“, - ნათქვამია ინფორმაციაში.
ახალი სამხრეთ უელსის შტატის პოლიციის ცნობით, კიდევ 40 ადამიანი საავადმყოფოში რჩება. მედიის ცნობით, დაღუპულებს შორის ბავშვებიც არიან. მსხვერპლთა ასაკი 10-დან 87-მდე მერყეობს.
სამართალდამცველების ცნობით, იდენტიფიცირებულნი არიან დამნაშავეები. ისინი მამა-შვილი არიან, 50 წლის მამა სამართალდამცველებმა შემთხვევის ადგილზე სროლის შედეგად მოკლეს. 24 წლის შვილი კი დაჭრილია და საავადმყოფოში იმყოფება პოლიციის მეთვალყურეობის ქვეშ.
წინასწარი ინფორმაციით, ერთი თავდამსხმელი ლიკვიდირებული. მეორე კი დაიჭრა და საავადმყოფოში იმყოფება პოლიციის მეთვალყურეობის ქვეშ.. ერთ-ერთი თავდამსხმელი სიდნეის მკვიდრი ნავიდ აკრამი აღმოჩნდა; მის სახლში ჩხრეკა ჩატარდა. თავის მხრივ, ტელეარხმა 9News-მა გაავრცელა ინფორმაცია, რომ მესამე პირი თავად ჩაბარდა.
გავრცელებული ცნობით, ერთ-ერთი მსროლელი განაიარაღა გამვლელმა, რომელიც მას უკნიდან დაესხა თავს. კაცმა მოახერხა მსროლელისთვის იარაღის წართმევა.
პოლიცის განცხადებით, ინციდენტს ტერორისტულ აქტად განიხილავენ.
ავსტრალიის პრემიერ-მინისტრ ენტონი ალბანეზეს თქმით, მომხდარი მიზანმიმართული და წინასწარი განზრახვით ჩადენილი ბოროტება იყო, რომლის სამიზნეც ებრაული თემი გახდა.
