უკრაინის პრეზიდენტმა ვოლოდიმირ ზელენსკიმ განაცხადა, რომ 13 დეკემბრის ღამეს რუსეთმა გამოიყენა 450-ზე მეტი დრონი და სხვადასხვა ტიპის 30 რაკეტა, ძირითადი დარტყმები ენერგეტიკის სექტორზე, სამხრეთსა და ოდესის რეგიონის წინააღმდგ იყო მიმართული.
ამის შესახეხებ ზელენსკი სოციალურ ქსელში წერს.
უკრაინის პრეზიდენტმა განაცხადა, რომ ათასობით ადამიანი ელექტროენერგიის გარეშეა კიროვოგრადის, მიკოლაევის, ოდესის, სუმის, ხარკივის, ხერსონის და ჩერნიჰივის ოლქებში.
რუსებმა ასევე შეუტიეს დნიპრისა და ჩერკასის ოლქებს.
„მნიშვნელოვანია, რომ ყველამ ნახოს, რას აკეთებს ახლა რუსეთი. ყოველი ნაბიჯი, რომელსაც ისინი ჩვენი ხალხის ტერორისკენ დგამენ, ყოველი თავდასხმა, ნამდვილად არ არის ომი დასრულებისკენ.
ისინი კვლავაც ცდილობენ ჩვენი სახელმწიფოს განადგურებას და ჩვენს ხალხისთვის რაც შეიძლება მეტი ტკივილის მიყენებას.
სწორედ ამიტომ გვჭირდება მხარდაჭერა ყველაფერში, რაც დაეხმარება სიცოცხლის დაცვას და ამ ომის დასრულებას: საჰაერო თავდაცვისა და ფრონტზე ჩვენი ჯარისკაცების გაძლიერება, შორი დისტანციის შესაძლებლობებისა და რუსეთზე ზეწოლის გაზრდა.
იმისათვის, რომ ჩვენს ყველა დიპლომატიურ ძალისხმევას შედეგი მოჰყვეს, ჩვენ უნდა გაიზარდოს ზეწოლა აგრესორზე, რათა მან დაასრულოს ომი, რომელიც მისი დაწყებულია,“ - წერს ზელენსკი
