გერმანიის კანცლერმა ფრიდრიხ მერცმა განაცხადა, რომ აშშ-ის პრეზიდენტ დონალდ ტრამპს გადაეცა წინადადებები „ტერიტორიული დათმობების“ შესახებ. გერმანიის მთავრობის მეთაურის თქმით, ტრამპთან საუბარი იყო დეტალური და განხილული იყო ის ტერიტორიული დათმობები, რომლებზეც უკრაინა მზადაა
„ეს გაკეთდა დონალდ ტრამპსა და ევროპელი ლიდერების სატელეფონო საუბრის შემდეგ“, - განაცხადა კანცლერმა ბერლინში ნატო-ს გენერალურ მდივან მარკ რუტესთან ერთობლივ პრესკონფერენციაზე.
„ძირითადად, ეს ეხება საკითხს, თუ რა ტერიტორიული დათმობებისთვის არის მზად უკრაინა. მაგრამ ეს არის შეკითხვა, რომელზეც პასუხი, პირველ რიგში, უკრაინის პრეზიდენტმა და უკრაინელმა ხალხმა უნდა გასცენ. შეცდომა იქნებოდა უკრაინის პრეზიდენტის მშვიდობისკენ ბიძგი, რომელსაც მისი ხალხი, ოთხწლიანი ტანჯვისა და სიკვდილის შემდეგ, არ მიიღებს“, - აღნიშნა მერცმა.
ფრიდრიხ მერცმა განაცხადა, რომ მას ისეთი შთაბეჭდილება შეექმნა, რომ დონალდ ტრამპს უკრაინაში მშვიდობის მიღწევა ევროპელებთან ერთად სურს.
გარდა ამისა, კანცლერმა ტრამპთან საუბარს კონსტრუქციული უწოდა, თუმცა აღნიშნა, რომ ევროპა არავის მისცემს მისი გახლეჩვის უფლებას“.
„მომავალი შაბათ-კვირისთვის დაგეგმილია შემდგომი მოლაპარაკებები აშშ-ის წარმომადგენლებთან, ხოლო უკრაინის საკითხზე საერთაშორისო შეხვედრა „შესაძლოა მომდევნო კვირის დასაწყისში გაიმართოს“, - თქვა მერცმა.
მერცმა ხაზი გაუსვა, რომ გერმანიის მთავრობის მეთაურმა ტრამპთან სატელეფონო საუბრის დროს, რომელიც გერმანიის მთავრობის მეთაურმა საფრანგეთის პრეზიდენტ ემანუელ მაკრონთან და დიდი ბრიტანეთის პრემიერ-მინისტრ კირ სტარმერთან ერთად გამართა, უკრაინაში ცეცხლის შეწყვეტის შესახებ ახალი ევროპული წინადადება წარადგინეს.
მანამდე ტრამპმა ჟურნალისტებს განუცხადა, რომ უკრაინის ევროპელ მოკავშირეებთან სატელეფონო საუბრის დროს სიტყვიერი შელაპარაკება მოხდა.
„ჩვენ უკრაინაზე საკმაოდ მკაცრი სიტყვებით ვსაუბრობდით განვიხილეთ. ვფიქრობ, რომ ადამიანებთან დაკავშირებით მცირე უთანხმოება გვქონდა. და ჩვენ ვთქვით: „ვნახოთ, როგორ დასრულდება ეს, ვიდრე შეხვედრა იქნება“. ტრამპს არ დაიკონკრეტებია, თუ რას გულისხმობდა „მკაცრ სიტყვებში“.
