პარტია „ევროპის ლიბერალთა და დემოკრატთა ალიანსი“ საქართველოს პარლამენტის თავმჯდომარის, შალვა პაპუაშვილის განცხადებას პასუხობს.
ALDE სოციალურ ქსელ X-ში შალვა პაპუაშვილის განცხადებას აზიარებს და აცხადებს, რომ არ ამართლებს ალეკო ელისაშვილის ქმედებებს, ისევე როგორც არ ამართლებს მშვიდობიანი დემონსტრანტების და მოქალაქეების წინააღმდეგ ძალისა და ქიმიური იარაღის გამოყენებას.
„რა თქმა უნდა, პარტია ALDE არ ამართლებს ამ ქმედებებს, ეს თავისთავად ცხადია. ისევე, როგორც ჩვენ არასდროს ვამართლებთ მშვიდობიანი დემონსტრანტების წინააღმდეგ ძალის გამოყენებას ან მოქალაქეების წინააღმდეგ ქიმიური იარაღის გამოყენებას“, – წერს ALDE .
