ორშაბათს გამოვა არალეგიტიმური პარლამენტის თავმჯდომარე და ტერორისტულ პარტიად შეგვრაცხავს “ლელოს” ან რამე კრემლიდან ნაკარნახევ სიგიჟეს გამოაცხადებს-დრო ჩვენ კი არა, თქვენთვის აითვალეთ, ვინც ქართველ ხალხს ქიმიური ტერაქტი მოუწყვეთ,- ამის შესახებ „ლელო-ძლიერი საქართველოს“ გენერალური მდივანი, ირაკლი კუპრაძე სოციალურ ქსელში წერს.
კუპრაძე ეხმიანება პარლამენტის თავმჯდომარე შალვა პაპუაშვილის განცხადებას, რომ თუ პარტიები ალეკო ელისაშვილს ორშაბათამდე არ გარიცხავენ, „ტერორისტის მფარველი ორგანიზაციები გახდებიან”.
კუპრაძის თქმით, ასი ათასობით ადამიანის მოწამლვა ტერორიზმია საკუთარი ხალხის წინააღმდეგ.
“ორშაბათს გამოვა არალეგიტიმური პარლამენტის თავმჯდომარე და ტერორისტულ პარტიად შეგვრაცხავს “ლელოს” ან რამე კრემლიდან ნაკარნახევ სიგიჟეს გამოაცხადებს.
დრო ჩვენ კი არა, თქვენთვის აითვალეთ, ვინც ქართველ ხალხს ქიმიური ტერაქტი მოუწყვეთ, ესაა ტერორიზმი საკუთარი ხალხის წინააღმდეგ, ასი ათასობით ადამიანის მოწამლვა“,- წერს კუპრაძე.
