უკრაინის პრეზიდენტი ვოლოდიმირ ზელენსკი ესაუბრა ნატო-ს გენერალურ მდივანს მარკ რუტეს და განაცხადა, რომ უახლოეს დღეებში მასთან მოლაპარაკებებს გამართავს. ის ასევე ესაუბრა ევროკომისიის პრეზიდენტ ურსულა ფონ დერ ლაიენს. ამის შესახებ ზელენსკი Х-ზე წერს.
სამშვიდობო მოლაპარაკებების აქტივიზაციასთან ერთად ზელენსკიმ ხაზი გაუსვა ნატო-ს გენერალურ მდივანთან მჭიდრო კოორდინაციას.
„ვესაუბრე მარკ რუტეს და უახლოეს დღეებში კიდევ ვისაუბრებთ. ეს მნიშვნელოვანი დღეებია და ბევრი რამ შეიძლება შეიცვალოს. ჩვენ მჭიდროდ ვთანამშრომლობთ და ჩვენს აქტივობაში, ყველა პარტნიორის აქტივობაში, ერთობლივი ღონისძიებები და საერთო პოზიციები უაღრესად ეფექტური იქნება,“ - განაცხადა ზელენსკიმ.
ზელენსკი ასევე ისაუბრა ევროკომისიის პრეზიდენტ ურსულა ფონ დერ ლაიენს, რომლის დროსაც მათ უკრაინასა და ევროკავშირს შორის თანამშრომლობის შემდგომი ნაბიჯები შეათანხმეს.
„ჩვენ კვლავაც სრულ კოორდინაციაში ვართ ევროკომისიასთან და მადლიერი ვარ მათი მხარდაჭერისთვის. ჩვენ განვიხილეთ დიპლომატიური ვითარება და გვაქვს საერთო შეხედულება ძირითად საკითხებზე“, - განაცხადა პრეზიდენტმა.
განსაკუთრებული ყურადღება დაეთმო უკრაინის ენერგეტიკული მდგრადობის თემას რუსეთის ფედერაციის მხრიდან მუდმივი თავდასხმების ფონზე.
„ასევე მნიშვნელოვანია, რომ ურსულა ძალიან ყურადღებით ეკიდება ჩვენი მდგრადობის გაძლიერების აუცილებლობას ინფრასტრუქტურასა და ენერგეტიკაზე მუდმივი რუსული თავდასხმების პირობებში. მადლობელი ვარ თქვენი სურვილისა, დაეხმაროთ უკრაინას“, - წერს ზელენსკი.
