მოლდოვის პრეზიდენტმა მაია სანდუმ დაგმო რუსეთის ბოლო თავდასხმა უკრაინაზე და განაცხადა, რომ რუსულმა დრონებმა კვლავ დაარღვიეს მოლდოვის საჰაერო სივრცე.
„უკრაინაზე 10-საათიანი სასტიკი შეტევა. ეს არ არის დიპლომატიის ენა ან იმ ქვეყნის ენა, რომელიც აცხადებს, რომ მშვიდობიან მოლაპარაკებებს აწარმოებს. მშვიდობიანი მოქალაქეების მოსაკლავად მიმავალმა რუსულმა დრონებმა კვლავ დაარღვიეს მოლდოვის საჰაერო სივრცე, რამაც მისი [საჰაერო სივრცის] დროებითი დახურვა გამოიწვია. ჩვენ ვგმობთ ამ თავდასხმებს და მხარს ვუჭერთ უკრაინას“, - დაწერა სანდუმ X-ში.
