შავ ზღვაში რუსეთის „ჩრდილოვანი ფლოტის“ კუთვნილ ორ სანქცირებულ ნავთობტანკერს - KAIRO-სა და VIRAT-ს უკრაინის უსაფრთხოების სამსახურის Sea Baby -ის საზღვაო დრონებმა დაარტყეს.
როგორც უკრაინულ მედიას დაზვერვის სამსახურის წყაროებმა აცნობეს, ეს იყო უკრაინის უსაფრთხოების სამსახურის სამხედრო კონტრდაზვერვის მე-13 მთავარი სამმართველოსა და უკრაინის საზღვაო ძალების ერთობლივი ოპერაცია.
წყაროს ცნობით, განახლებული Sea Baby-ის საზღვაო დრონებმა წარმატებით იმოქმედეს გემების წინააღმდეგ.
დრონებს შეუძლიათ დიდი მანძილის დაფარვა და აღჭურვილია ძლიერი ქობინებით. ვიდეოში ჩანს, რომ ორივე ტანკერი შეჯახების შემდეგ კრიტიკულად დაზიანდა და ფაქტობრივად, ექსპლუატაციიდან გამოვიდა.
ეს მნიშვნელოვან დარტყმას მიაყენებს რუსული ნავთობის ტრანსპორტირებას.
ასევე აღნიშნულია, რომ თავდასხმის დროს სანქცირებული გემები ცარიელი იყო - ისინი ჩასატვირთად ნოვოროსიისკის პორტში მიემართებოდნენ.
„უსაფრთხოების სამსახური აქტიურად მოქმედებს რუსეთის ფინანსური შესაძლებლობების შესამცირებლად უკრაინის წინააღმდეგ ომის წარმოებისთვის.
„Sea Baby-ის საზღვაო დრონებმა გაანადგურეს გემები, რომლებსაც შესაძლოა თითქმის 70 მილიონი დოლარის ღირებულების ნავთობი გადაჰქონდათ, რაც კრემლს საერთაშორისო სანქციების გვერდის ავლაში ეხმარებოდა“, - განაცხადა წყარომ.
პარასკევს, 28 ნოემბერს, თურქეთის ბოსფორის სრუტის მახლობლად აფეთქებები მოხდა. ინციდენტის შედეგად რუსეთის „ჩრდილოვანი“ ფლოტის ორ ტანკერს ცეცხლი გაუჩნდა.
