რუსეთის სამხედრო-ეკონომიკური და შეტევითი პოტენციალის შემცირების ფარგლებში, 25 ნოემბრის ღამეს, უკრაინის თავდაცვის ძალებმა მტრის არაერთ სამიზნეს დაარტყა. ინფორმაციას უკრაინის შეიარაღებული ძალების გენშტაბი ავრცელებს.
„სარაკეტო ჯარებისა და არტილერიის დანაყოფებმა, სპეციალური ოპერაციების ძალებთან, საზღვაო სანაპირო სარაკეტო ძალებთან და უპილოტო სისტემების ძალებთან თანამშრომლობით, Bars-ის რეაქტიული უპილოტო საფრენი აპარატებისა და Neptune-ის ფრთოსანი რაკეტების გამოყენებით, წარმატებით დაარტყეს რუსი აგრესორის რამდენიმე სტრატეგიულ სამიზნეს,“ - ნათქვამია გენშტაბის ინფორმაციაში
კერძოდ, რუსეთის ფედერაციის როსტოვის ოლქის ქალაქ ტაგანროგში დაზიანება დაფიქსირდა თვითმფრინავების სარემონტო ქარხანასა და უპილოტო საფრენი აპარატების მწარმოებელ ობიექტზე.
ობიექტებში დაფიქსირდა მრავალი აფეთქება და მასშტაბური ხანძარი.
ბერიევის საავიაციო ქარხანაზე თავდასხმის დროს, სავარაუდოდ, ექსპერიმენტული A-60 ტიპის თვითმფრინავი დაზიანდა. ეს ქარხანა ასევე ახორციელებს ДРЛО А-50 ტიპის თვითმფრინავების და რუსული Ту-95МС ტიპის სტრატეგიული ბომბდამშენების შეკეთებას და მოდერნიზებას.
