ბრაზილიის ყოფილი პრეზიდენტი ჟაირ ბოლსონარუ დააპატიმრეს. ამის შესახებ Reuters იუწყება.

პოლიტიკოსი, რომელიც ბრაზილიის უზენაესმა სასამართლომ სექტემბერში სახელმწიფო გადატრიალების მცდელობაში დამნაშავედ ცნო და 27 წლითა და 3 თვით თავისუფლების აღკვეთა მიუსაჯა, 4 აგვისტოდან შინაპატიმრობაში იმყოფებოდა.

სახელმწიფოს ყოფილი მეთაური განაჩენის გასაჩივრების პროცესში იყო.

დაკავება პრევენციული ღონისძიებაა და იგი ფედერალური პოლიციის მოთხოვნით განხორციელდა. ეს სანქცია მას შემდეგ მიიღეს, რაც ყოფილი პრეზიდენტის ვაჟმა, სენატორმა ფლავიო ბოლსონარუმ, ექსპრეზიდენტის სახლთან მთელი ღამის განმავლობაში ღამის გათენება მოითხოვა.

სტანდარტული პროცედურების შემდეგ, ბოლსონარუ ფედერალური პოლიციის შტაბ-ბინაში გადაიყვანეს და მაღალი თანამდებობის პირების დაკავებისთვის განკუთვნილ დაწესებულებაში მოათავსეს.

2023 წლის 8 იანვარს, ბოლსონარუს მხარდამჭერებმა ქალაქ ბრაზილიაში კონგრესზე, უზენაესი სასამართლოს შენობასა და პრეზიდენტის სასახლეზე შტურმი მიიტანეს, მას შემდეგ, რაც ლუის ინასიუ ლულა და სილვამ პრეზიდენტის თანამდებობაზე უფლებამოსილებას შესრულებას შეუდგა.

ბრალდების მხარე ამტკიცებს, რომ ჟაირ ბოლსონარუ მონაწილეობდა სახელმწიფო გადატრიალების გეგმის შემუშავებაში, რომელსაც კოდური სახელი „მწვანე და ყვითელი ხანჯლები“ ​​ჰქონდა.

ეს გეგმები მოიცავდა ლულას მოწამვლას, ასევე ვიცე-პრეზიდენტის, ჯერალდო ალკმინის და უზენაესი სასამართლოს თავმჯდომარის, დე მორაეშის მკვლელობას. ბოლსონარუ უარყოფს ყველა ბრალდებას და აცხადებს, რომ დაგეგმილი გადატრიალების შესახებ არაფერი იცოდა.

ივლისში ბოლსონარუს ელექტრონული სამაჯური დაუმაგრეს და სოციალური მედიის გამოყენება აუკრძალეს.

აგვისტოს დასაწყისში ყოფილი პრეზიდენტი ქალაქ ბრაზილიაში, საკუთარ სახლში, მხარდამჭერებთან ინტერნეტით  საუბრის გამო, შინაპატიმრობაში მოათავსეს.