თუ საქართველოში რევოლუცია ბრუსელიდან იმართება, ევროკავშირის ელჩი რატომ არ არის აქამდე გაგდებული და რატომ გეუბნებათ მთავრობა რომ ისევ ყველაფერს აკეთებს რომ გაახდეს ისეთი ორგანიზაციის წევრი, რომელიც საქართველოში რევოლუციას და სისხლისღვრას გეგმავს? - ამის შესახებ ფილოსოფოსი ლევან ღამბაშიძე სოციალურ ქსელში წერს.
ღამბაშიძე ეხმიანება Prime Time-ს მიერ გავრცელებულ დოკუმენტს, რომელიც, გამოცემის ინფორმაციით, ადგილობრივ ოპოზიციას ბრიუსელიდან ევროკავშირის კონკრეტულმა მაღალჩინოსნებმა გამოუგზავნეს და ოპოზიციის წარმომადგენელმა ბრიფინგზე წაიკითხა. განცხადება 28 ნოემბერს დაგგემილ აქციას ეხება.
„- აქცია გვინდა დავაანონსოთ და რა ვქნათ?
- აზზე არ ვარ. რო დავწეროთ ფეისბუქზე?
- რა დავწეროთ?
- რო აქციაა 28-ში.
- ეგ როგორ დავწეროთ?
- დაიცა ბრუსელს ვკითხოთ…
წერილი ბრუსელიდან: 28-ში აქციაა დაანონსებული.
- აააა, ასე უნდა დაგვეწერა?! ვსო, გავიგე. მაშ ასე: 28-ში აქციაა დაანონსებული!
ქოცებს ეუბნებიან რომ რაღაც ასეთი მოხდა და ისინიც ტორპედოს ძაღლებივით აქიცინებენ თავს.
ჯერ იმ კაცს რა ვუთხარი საკუთარი თანამოქალაქეების ცემისა და დაპატიმრების გასაპროტესტებლად საერთოდ ვინმესგან დირექტივა რომ სჭირდება. ეგეთები თქვენსკენ მოიკითხეთ, თურმე “ნახირივით” რო დარბოდნენ წინა მთავრობის მიტინგებზე და ეხლა “ნახირივით” რომ დარბიან ახალი მთავრობისაზე. თქვენსკენ მოიკითხეთ, რომლებსაც ერთი გამამხნევებელი სტატუსის დაწერა არ შეგიძლიათ იმის შიშით, თქვენი ზემდგომი რას იტყვის. თქვენსკენ მოიკითხეთ, რომლებსაც აზროვნების ნაცვლად ვოთსაფის ჩატი გაქვთ, ტვინის ნაცვლად საფულე და სინდისის ნაცვლად ბიძიინ ივანიშვილი.
ტიპებს მესიჯბოქსის გარდა წინადადების თქმა არ შეუძლიათ და მოაღებენ პირს და რაღაც სისულელეებს ყრანტალებენ.
პ.ს. თუ საქართველოში რევოლუცია ბრუსელიდან იმართება, ევროკავშირის ელჩი რატომ არ არის აქამდე გაგდებული და რატომ გეუბნებათ მთავრობა რომ ისევ ყველაფერს აკეთებს რომ გაახდეს ისეთი ორგანიზაციის წევრი, რომელიც საქართველოში რევოლუციას და სისხლისღვრას გეგმავს?
მართლა არ გრცხვენიათ როდესაც ამბობთ რომ ამ სისულელეების გჯერათ?“ - წერს ღამბაშიძე.
