PACE-ის დელეგაციასთან შეხვედრაზე საუბარი შეეხო ქართული დემოკრატიის გამოწვევებს, "ქართული ოცნების' რეპრესიულ პოლიტიკას, პარტიების აკრძალვის საკითხს, - ამის შესახებ „ლელო - ძლიერი საქართველოს“ ერთ-ერთმა ლიდერმა, გრიგოლ გეგელიამ ევროპის საბჭოს საპარლამენტო ასამბლეის (PACE) დელეგაციასთან შეხვედრის შემდეგი განაცხადა.
საუბარი, ბუნებრივია, შეეხო ყველა იმ ძირითად საკითხს, რაც დგას როგორც გამოწვევა ქართული დემოკრატიის წინაშე, მათ შორის, ის რეპრესიული პოლიტიკა, რომელსაც ატარებს "ქართული ოცნების" რეჟიმი, მათ შორის, ცხადია, პარტიების აკრძალვის საკითხი, ისე როგორც გასული ადგილობრივი არჩევნები, მომავალი გეგმები, ჩვენ როგორ ვუყურებთ ქართული დემოკრატიის გადარჩენას," - ამბობს გრიგოლ გეგელია.
