გერმანიის კანცლერმა ფრიდრიხ მერცმა განაცხადა, რომ უკრაინის პრეზიდენტის, ვოლოდიმირ ზელენსკის, აშშ-ში ვიზიტი არ წარიმართა ოსე, როგორც ზელენსკი ელოდა, რამაც აჩვენა, თუ რამდენად სჭირდება უკრაინას ევროპის დახმარება.
მერცმა განაცხადა, რომ ზელენსკის და ტრამპს შორის მოლაპარაკებების შემდეგ, მას უკრაინის პრეზიდენტთან ხანგრძლივი საუბარი ჰქონდა.
„ვიზიტი ისე არ წარიმართა, როგორც ზელენსკი იმედოვნებდა. ვფიქრობ, ამის თქმა შემიძლია“, - თქვა მერცმა.
კანცლერის თქმით, ეს ევროპის დახმარებას კიდევ უფრო მნიშვნელოვანს ხდის, რადგან ომის დასრულება მხოლოდ უკრაინის სამხედრო ძალით შეიძლება.
მან განაცხადა, რომ გააგრძელებს მუშაობას უკრაინის მხარდასაჭერად „ფინანსურად, პოლიტიკურად და, რა თქმა უნდა, სამხედრო თვალსაზრისით. მისი თქმით, კაპიტულაცია უკრაინისთვის ვარიანტი არ არის, რადგან რუსეთი შემდგომ სხვა ევროპულ ქვეყანას დაესხმება თავს.
