შეერთებულ შტატებში ვიზიტით მყოფი უკრაინელი ოფიციალური პირების დელეგაცია შეხვდა Raytheon-ის წარმომადგენლებს, რომელიც Tomahawk-ის ფრთოსან რაკეტებს აწარმოებს.
ინფორმაციას უკრაინის პრეზიდენტის ადმინისტრაციის ხელმძღვანელი ანდრიი ერმაკი ავრცელებს.
ერმაკის გარდა, შეხვედრას ესწრებოდნენ პრემიერ-მინისტრი იულია სვირიდენკო, ეროვნული უშიშროებისა და თავდაცვის საბჭოს მდივანი რუსტემ უმეროვი, საგარეო საქმეთა მინისტრის პირველი მოადგილე სერჰიი კისლიცია და უკრაინის ელჩი აშშ-ში ოლჰა სტეფანიშინა.
უკრაინის დელეგაცია ასევე შეხვდა კიდევ ერთი ამერიკული თავდაცვის კომპანიის, Lockheed Martin-ის წარმომადგენლებს.
„მათი ტექნოლოგია სიცოცხლეს იცავს: F-16-ები და თანამედროვე საჰაერო თავდაცვის სისტემები იცავენ უკრაინის ცას, ხოლო მათი შეტევითი გადაწყვეტილებები საიმედოდ უჭერს მხარს ჩვენს ძალებს ფრონტზე“, - აღნიშნა ერმაკმა.
მან დასძინა, რომ უკრაინის თანამშრომლობა ამერიკულ კომპანიებთან კიდევ უფრო გაიზრდება.
