ისრაელის პრემიერ-მინისტრმა ბენიამინ ნეთანიაჰუმ განაცხადა, რომ ღაზის სამშვიდობო შეთანხმების შემდეგი ნაბიჯი დაჯგუფება „ჰამასის“განიარაღებაა.
ამის შესახებ მან CBS-თან ინტერვიუში განაცხადა.
ნეთანიაჰუმ აღნიშნა, რომ აშშ-ის პრეზიდენტ დონალდ ტრამპის პირობები „ძალიან ნათელია“: „ჰამასი“ უნდა განიარაღდეს, წინააღმდეგ შემთხვევაში, ისრაელის პრემიერ-მინისტრის თქმით, „ჯოჯოხეთი დაიწყება“ [„all hell breaks loose"].
„პირველ რიგში, „ჰამასმა“ იარაღი უნდა დაყაროს. მეორეც, ჩვენ უნდა უზრუნველვყოთ, რომ ღაზაში არ იყოს იარაღის ქარხნები. და რომ ღაზაში იარაღი არ შემდიოდეს კონტრაბანდული გზით. სწორედ ეს არის დემილიტარიზაცია,“ - განაცხადა ნეთანიაჰუმ.
მანამდე აშშ-ის პრეზიდენტმა დონალდ ტრამპმა განაცხადა, რომ ტერორისტულმა დაჯგუფება „ჰამასმა“ ისრაელთან სამშვიდობო შეთანხმების ფარგლებში იარაღი უნდა დაყაროს. „თუ არ დაყრის, ჩვენ დავაყრევინებთ“, - თქვა ტრამპმა.
