ვენესუელა ოსლოში თავის საელჩოს ხურავს, მას შემდეგ, რაც ვენესუელის ოპოზიციის ლიდერს, მარია კორინ მაჩადოს მშვიდობის დარგში ნობელის პრემია გადაეცა.
ნორვეგიის საგარეო საქმეთა სამინისტროს პრესსპიკერმა სესილი როანგმა განაცხადა, რომ ოსლომ ვენესუელის საელჩოსგან მიიღო ინფორმაცია, „რომ ისინი საელჩოს ახსნა-განმარტების გარეშე ხურავენ“.
„ეს სამწუხაროა. მიუხედავად იმისა, რომ რიგ საკითხებზე განსხვავებული შეხედულებები გვაქვს, ნორვეგიას სურს ვენესუელასთან ღია დიალოგის შენარჩუნება და ამ მიმართულებით იმუშავებს“, - თქვა როანგმა.
დახურვამდე ნორვეგიაში ვენესუელის საელჩო ასევე ემსახურებოდა დანიაში, ფინეთში, შვედეთსა და ისლანდიაში მცხოვრებ ვენესუელელებს.
შეგახსენებთ, გასულ კვირას ნობელის მშვიდობის პრემია, რომლის საორგანიზაციო კომიტეტიც ოსლოში მდებარეობს, ვენესუელის ოპოზიციის ლიდერს მარია კორინა მაჩადოს მიენიჭა.
