თავდაცვის ყოფილი მინისტრის ბაჩო ახალაიას მეუღლე სოციალურ ქსელში წერს, რომ ტყეში ნაპოვნი იარაღის საქმეზე დაიბარეს.
მანამდე ნადრეიშვილმა დაწერა, რომ სახელმწიფო უსაფრთხოების სამსახურში დაიბარეს. მოგვიანებით პოსტში დაამატა, რომ როგორც გაიგო, ტყეში გადამალულ იარაღთან დაკავშირებით არის დაბარებული.
ცნობისთვის, თავდაცვის ყოფილი მინისტრი ბაჩო ახალაია შსს-ს კრიმინალურ დეპარტამენტში გამოკითხვაზე იმყოფება. შსს-ს ინფორმაციით, ბაჩო ახალაია უწყებაში ხმის ნიმუშის აღების მიზნით და მოწმის სახით გამოსაკითხად არის დაბარებული. გამოკითხაზე უწყებაში ახალაია უკვე ოთხ საათზე მეტია იმყოფება.
შეგახსენებთ, სუსმ-მა 5 ოქტომბერს გაავრცელა ინფორმაცია, რომლის თანახმად: "სახელმწიფო უსაფრთხოების სამსახურის მიერ ოპერატიული ინფორმაციის საფუძველზე ჩატარებული საგამოძიებო მოქმედებების შედეგად აღმოჩენილია დიდი რაოდენობით ცეცხლსასროლი იარაღი, საბრძოლო მასალა და ასაფეთქებელი ნივთიერებები დეტონატორით"
