საფრანგეთის პრემიერ-მინისტრის მოვალეობის შემსრულებელმა სებასტიან ლეკორნუმ განაცხადა, რომ ქვეყნის მომავალი პრემიერი უახლოეს დღეებში უნდა დაინიშნოს.
ლეკორნუმ განაცხადა, რომ საპარლამენტო პარტიებთან პრეზიდენტ ემანუელ მაკრონის სახელით ჩატარებული ბოლო ორდღიანი მოლაპარაკებების შემდეგ, იგი „მის მისიას დასრულებულად“ მიიჩნევს.
„ეროვნული ასამბლეის წევრების უმრავლესობა უარს ამბობს მის დათხოვნაზე, რადგან ესმით, რომ დათხოვნა [არანაირ გადაწყვეტას] არ მოიტანს.
„არსებობს რამდენიმე ჯგუფი, რომლებიც მზად არიან ერთობლივ ბიუჯეტზე შეთანხმდნენ“, - თქვა მან.
საფრანგეთის პრემიერ-მინისტრმა ასევე განაცხადა, რომ მაკრონმა მთავრობის ახალი მეთაური „მომდევნო 48 საათის განმავლობაში“ უნდა დანიშნოს.
ამგვარად, საფრანგეთის პრეზიდენტთან შეხვედრის შემდეგ ლეკორნუს სიტყვებიდან გამომდინარე, მაკრონი არ აპირებს პარლამენტის დათხოვნას ან გადადგომას - როგორც მას სხვა პოლიტიკურმა ძალებმა მოუწოდეს.
შეგახსენებთ, რომ საფრანგეთი კიდევ უფრო ღრმა პოლიტიკურ კრიზისში 6 ოქტომბრიდან ჩაეფლო, როდესაც ახლახან დანიშნულმა პრემიერ-მინისტრმა, მაკრონის ახლო თანამოაზრემ, სებასტიან ლეკორნიუმ თანამდებობა დატოვა.
